Kõnõla võro filmikeelen!
18 oktoober, 2016
Võro instituut kuts opilaisi Vanal-Võromaal ja kavvõmbal võro keele nädälil 7.-13. märdikuul klipivõistlusõlõ „Kae sõs!“. Kõik huvilidsõ omma oodõdu tegemä videoklippõ, kon om kuulda võro kiilt, olku tuu sis laul, nallalugu, lühkü katõkõnõ vai midägi muud. Teema või vabalt valli (koolielo, võrokõsõs olõminõ vms), a tuu piässi ka tõisi üten haardma – mõtlõma pandma vai […]
Võro keele nädäli kava 7.–13. märdikuul
18 oktoober, 2016
Meediän: • Võrokeeline järejutt Vikerraadion iispääväst riidini kell 11.30, kõrdus 22.30. Loetas Kama Kaido „Ümbreilma reisikirju“. Tinava sai 15 aastakka tuust aost, ku tsillokõnõ jahtlaiv Lennuk ümbreilmareisi päält kodo tagasi jõudsõ. • Star FMin kõnõldas iispääväst riidini kellä 8.05–8.20 kah tsipa võro keelest. Tuul aol om ka hummogumäng „Ilmvõimalda küsümine“, mink avvuhinnas om hää hulk […]
Õdagumeresoomõ süküskonvõrents om Võrol rehekuu 27.-29. pääväni
8 september, 2016
Õdagumeresoomõ kiili, aoluku ni kultuuri pututõva konvõrentse riä katõkümnes konvõrents om Võro liinan Kandle majan rehekuu 27. –29. pääväni Tulõva konvõrõndsi ettekandin kaias päämädselt õdagumeresoomõ kiili, kultuuri ni ala parlast saisu, a pututõdas ka minevikku. Konvõrõndsi kutsutuis ülesastjis omma soomõ-ugri kiili uurja Riho Grünthal Helsingi ülikoolist, keelepoliitiga uurja Anitta-Viinikka Kallinen Tromsø ülikoolist, liivi keele uurja […]
Kaika suvõülikuul tulõ Tsiistren
7 juuli, 2016
Võrokõisi 28. Kaika suvõülikuul tulõ timahava Vahtsõliina kihlkunnan Misso vallan Tsiistren 12.–14. põimukuu pääväl. Tsiistret tuntas innekõkkõ Nopri talomeieri, soomõ-ugri filmifestivali, linamuusõumi, tsäimaja ja küläkua perrä. Kae ligembält http://tsiistre.ee/index.php?id=10609
Neläs Uma Pido tulõ 28. mail 2016 Põlvan Indsikurmun
26 mai, 2016
Joba kolmõl kõrral olõmi saanu kokko umakeelitsel laulu- ja rahvapidol. Edimäne pido and’ huugu järgmäidsile ja kinnüt’, et uman keelen om hää laulda’. Tõnõ tekk’ kimmämbäs umakeelist ilma ja nõst’ avvu sisse Vana Võromaa kihlkundlikku vaimu. Kolmas pido kõnõl’ pühäst Võhandu jõõst, kuun üteldi pallõmisi mi rahva ja maa iist ja laulti rahvalaulõ. Neläs Uma Pido tulõ 28. mail […]
Vällä kuulutõdi timahavvatsõ Hindätiidmise avvuhinna saaja
15 märts, 2016
Võro Instituudi ja Vana-Võromaa maavalitsuisi välläantava Hindätiidmise avvuhinna 2016 laureaadi omma Mamastõ Latsiaia ja Kooli keelepesä, Mamastõ Latsiaia ja Kooli pikäaignõ helksä võro keele ja kultuuri oppaja Marju Lepasson, Orava Kuul ja Võromaa Spordiliit. Vanal-Võromaal kolmandat kõrda välläantava Hindätiidmise avvuhinna saajit kiteti imäkeelepääväl (14.03) Mamastõ Latsiaia ja Kooli saalin. Avvuhinna anniva kätte Põlva maavanõmb Ulla Preeden […]
Võrokeeline XVII luulõlugõmisvõistlus Artur Adsoni avvus
4 märts, 2016
Võrokeelidse luulõ lugõmisõ võistlusõl võiva luulõtuisi lukõ kõiki aoluulidsõ Võromaa kuulõ ja latsiaidu eri vannusõn latsõ. Egä kooli/latsiaia lugõja kand ette üte pala – Artur Adsoni luulõtusõ vai mõnõ tõõsõ kirotaja võrokiilse luulõtusõ. Lugõmisõ pikkus ei või olla üle viie minodi. Hindaminõ käü nellä vannusõrühmä perrä: latsiaid-I kl, II-IV kl, V-IX kl, X-XII kl. Ku […]
Võro keele ja kultuuri tundmisõ olümpiaadi„Ütski tark ei sata taivast“ tulõmusõ
3 märts, 2016
25.02.2016 8. klass Võimalik oll saia 65 punkti. 1. Hipp Saar (Osola Põhikuul) 54 p 2. Getter Dolgošev (Orava Kuul) 47 p 3. Karina Täht (Osola Põhikuul) 43 p 4. Veronica Oidingu (Räpinä Ütisgümnaasium) 41 p 5. Gerli Villakov (Osola Põhikuul) 40 p 6. Nele-Liis Väise (Savõrna Põhikuul) 39,5 p 11. klass Võimalik oll saia 68 punkti. 1. Liis Kikas […]
Oodõtas Hindätiidmise avvuhinna kandidaatõ
28 jaanuar, 2016
aastagast and Võro Instituut üten Põlva ja Võro maavalitsusõga latsiaiulõ, koolõle ja kultuuriasutuisile, -ühingitele ja -seltsele vällä Hindätiidmise avvuhinda, minka mõtõ om hoita võrokõsõs olõmist avvu seen. Timmahavvagi saa egaüts ette säädi Vana-Võromaa latsiaia, kooli ja/vai kultuuriasotusõ, -ütisüse, kiä huul mi paigapäälitsist väärtüisist kõgõ inämb. Avvuhindo välläandmisõ man kaias: – kuis hindätiidmist ja hindästpidämist vällä […]
Latsi ja nuuri võrokiilside kirätöie võistlus
16 november, 2015
Võro Instituut kuulutas vällä latsi ja nuuri võrokiilside kirätöie võistlusõ MINO VÕROMAA Oodami juttõ, luulõtuisi, nalajuttõ, näütemängõ, katõkõnnit, märgotuisi, laulõ – kõiksugudsõ kirätüü omma oodõt! Timahava saava latsõ ja noorõ valli kuvvõ teema hulgast. A olõs hää, ku kirätüül olõs uma mõtõld päälkiri (tuu tähändäs, et teema ei olõ üteliisi jutu päälkiri). Kimmäle või kirota ka […]