Kutsminõ konvõrendsilõ

„Iist muusõum, seest gümnaasium“
11. rehekuu pääväl 2024

Kotus: Karilatsi vabaõhumuusõum (Karilatsi, Kanepi vald, Põlva maakund)

 

Võro instituudi sügüsene tiidüskonverents om timahavva muusõummõ ja muusõumiharidusõ teema pääl. Konvõrendsil otsitas vastussit küsümisile, kuimuudu võinu paigapääline muusõum kõgõ parõmbidõ tiiniq umma rahvast, kogokonda ja külälist kavvõmbast. Ku muusõumi alaliigis om „paigapääline“ vai „talorahva“, sõs om uuta, et saava kokko aolugu ja mikroaolugu. Tähelepandmist saava aoluu suurõ püürdmiseqja inemiisi harinõminõ noidõga, ütelt puult riik (kah´os sakõstõ võõrvõim), tõsõlt puult kogokund ja perekund, majandus ja ihotoidussõ tiinmine, kultuurikõrraldus ja esitegemine, koolikõrraldus ja kõgõparõmba loodussõ latsõ tulõvigu pääle.

 

Määne om paigapäälidse muusõumi köüdüs seoilmaaigsõ inemisega, kinka jaos üte vai tõsõ paiga peris uma kotussõ tunnõ ei käü kõikaig kokko elokotussõga? Määnest tüüpi kogõmusoppamist sutva oppajaq ja muusõumi kuun pakku? Ikäv ja kulunu vai esieräline perreperimüse pildi laembas tegejä – määne läbisaaminõ tegünes gümnaasiumi opilasõl paigapäälidse muuseumiga?

 

 

Oodami konvõrendsilõ ettekandit (20 min kõnõlamisõs ja 10 min diskussioonis), miä tutvustasõ erinevit viise perändüse alalõhoitmisõs, kõnõlasõ paigapäälidse perändüse mõtõstamisõst, muusõumipedagoogikast, tuust, kuimuudu muuseum om rohkõmb nättäväs saanu. Lämmält omma oodõdu ettekandõ Eesti ja naabrimaiõ piirkunnamuusõumõst.

 

Plenaarettekandõ pidäväqTartu ülikooli muuseumi direktor, museoloog Mariann Raisma ja muuseumipedagoog Kaja Visnapuu.

 

Kirjapandminõ ja muu kõrraldusõ info

 

Konvõrendsi tüükeeleq ommaq eesti, võro ja inglüse. Pakumi ümbrepandmist, ku kiäki taht pitä ettekandõ soomõ vai läti keelen.

 

Konvõrendsilõ saa hinnäst kirja panda siin.

Kirjapandmisõ tähtaig om 15. süküskuu (septembri) 2024. Ku om suuv tetä ettekannõ, sõs tulõs kirjapandmisõ käügin anda ka ettekandõ edimäne päälkiri (tuud saa ildamba muuta). Kiä omma lubanu ettekandõ tetä, näilt oodõtas teese üten konverendsi tüükeelen 15. süküskuu pääväs.

 

Tellit massulda buss Karilatsi lätt vällä 11. oktoobril kell 8.00 Tal´na keskliinast ja 10.20 Tartust. Tagasi Tal´nalõ jõud buss õdagu kl 21–22 paiku.

 

Osavõtumassu ei olõ, a lõunasöögi ja kohvipausõ iist korjami rahha 15 €. Söögisoovist saa teedä anda kirjapandmisõl ja seo iist saami saata arvõ ette.

 

Konvõrendsilõ tulõjal om võimalik hindä jaos kõrraldaq üümaja Põlvan vai Võrol – säändsel juhtumisõl tulõ kõrraldajidõga erälde kokko leppi transport Karilatsi muuseumi mano.

 

Järgmäne konvõrendsi ringkiri üten edimädse kavaga saadõtas kirjapandnuilõ süküskuu lõpun.

 

Inämb teedüst saa:

 

Võro Instituut, Tartu tn 48, 65609 Võru

e-post: wi@wi.ee

tel (+372)5111285 (Kersti Liloson, muusõumiosakunna juhataja)

tel (+372)5621 3174 (Evar Saar, onomastika tiidrü)

 

Jagamine