16 märts, 2022
Võro Instituut üten Põlva ja Võro umavalitsuisiga kitsõ imäkeelepääväl 14. urbõkuul kuvvõndat kõrda Vana-Võromaa latsiaidu, kuule ni asutuisi-ettevõtjit, kiä omma süämest saisnu uma põlitsõ keele ja meele hoitmisõ iist. Võrokõisi hindätiidmise avvuhinna saiva: Võro latsiaid Sõleke, Põlva Jakobi Kuul, folklooriandsambli Käokirjas, Jana Orion, Talina võro seldsi liigõ, võrokõisi kohvitarõ kõrraldaja pääliinan. Avvuhinna saaja sõglusi vällä […]
16 märts, 2022
Kreutzwaldi „Kalõvipoig“ oll seeni otsast otsani ümbre pant kolmõtõistkümnehe kiilde; õkva nosama om noilõ mano tulnu võro kiil, nigu kinnitäs Võro Instituudi vällä ant „Kalõvipoig“. Eeposõ mano käävä Võromaa kunstnigu Toomas Kuusingu pildi. Raamadu ettenäütämine om 17. urbõkuul kell 14 Dr Fr. R. Kreutzwaldi Memoriaalmuusõumin. Raamadu välläandmist omma tugõnu Eesti Rahvakultuuri Keskus ja Eesti Kultuurkapital. […]
27 jaanuar, 2022
Võro Instituut and 2012. aastagast pääle latsiaiulõ, koolõle ja kultuuriasutuisile,-ühingitele ja -seltsele vällä Hindätiidmise avvuhinda, minka mõtõ om hoita võrokõsõs olõmist avvu seen. Timahavvast om man ka (ütsik)inemise esitämise võimalus. Ku algusaol kiteti paigapäälitside väärtüisi hoitjit üten Põlva ja Võro maavalitsusõga, sõs 2018. aastagast omma avvuhinna välläandmise paarilidse SA Võrumaa Arenduskeskus ja Põlvamaa umavalitsuisi liit. […]
21 detsember, 2021
Padari Ivari jõulusalmõ võistlusõlõ saadõti 64 salmi, ossa võtsõ 19 luujat. Tulõmi: 1. kotus: Ene Säinast, „Viil hämmär om päiv ja pümme om üü“ 2. kotus: Mariko Faster, „Jõuluhani“ 3. kotus: Kaja Kuslapuu, „Om mõtsa kotsil taivan kuu“ ja Viiu Kornel, „Sääne om jo vana tava“ Eripreemiä: Milvi Panga, „Tsirgukõsõ saava siimnit“. Hindaja olli Mari […]
19 november, 2021
Võro Instituut kuulutas vällä 35. latsi ja nuuri võrokiilside kirätöie võistlusõ MINO VÕROMAA Oodami võistlusõlõ kõiksugutsit kirätöid: juttõ, luulõtuisi, nalajuttõ, näütemängõ, katõkõnnit, märgotuisi, laulõ jne. Timahava saava latsõ ja noorõ valli kuvvõ teema hulgast. Kimmäle või kirota ka vabal teemal. Hinnatas vannusõrühmi perrä (I–III, IV–VI, VII–IX ja X–XII klass). „Mino Võromaa” 35. võistlusõ teema omma: […]
1 november, 2021
Võro keele nätäl paksõ võrokõisilõ hulga võimaluisi umma kiilt kuulda ja kõnõlda Egä aasta märdikuu edimädsel täüspikäl nädälil peetäs võro keele nädälit. Seo aastak oll joba 16. kõrd. „Hää om nätä, et võro keelega köüdetüide tegemiisi nimekiri om aigupiten mugu pikembäs lännü ja ka ütenlüüjit tulõ mano,“ tõi vällä Võro Instituudi direktri Kuuba Rainer. Minevaastak […]
28 oktoober, 2021
Simunapäävaäs, rehekuu 28. pääväs om üle kaetu Vana-Võromaa fotojahi „Püvvä pildi pääle!“ saak, selges omma saanu pildipüüdjä, kinkal oll kõgõ parõmb jahiõnn. Piimäkuu alostusõst kooni rehekuu keskpaigani sai veebilehe https://fotojaht.visitvoru.ee/ pääl üles panda Vana-Võromaal tettüid fotosid, mille pääle om püütü herksäid hetki võrokõisi ummamuudu elost ja olõmisest. Kokko tull 295 pilti võrokõisi ku ka seo […]
21 oktoober, 2021
Sündmüs toimus Võro instituudin (Tarto 48, Võro) ja veebin https://fb.me/e/1By0m48dp Kuis oppasi meid süümä 44 aastakka Võrol tohtrõammõtit pidänü Friedrich Reinhold Kreutzwald, mille huvitiva tedä muinasao kalmatu ja liinamäe, kuis tä setokõisi ja tõisi rahvit eestläisile tutvust – naist ja mitmist tõisist põnõvist jutuainist kuuld 29. rehekuul Võro instituudi konvõrentsil „Kaeminõ Kreutzwaldi pääle ristimõtsu iist […]
6 oktoober, 2021
Võro Instituut kuts häid võro keele mõistjit hinnäst võro keele nädäli jaos, miä om timahava 1.–7. novvembril, võro keele agendis üles andma. Agent om iinkujos võro keele egäpäävädse pruukmisõga. Moloraamadu võro keele rühmän valiti võro keele nädäli sõnomis timahava „Kiildke vai är – ma iks kõnõlõ!“ (eesti keelen: „Keelake või ära – ma räägin ikka!“). […]
9 september, 2021
E-välläandõ kujol ilmunu „Võru kirjanduse kujunemislugu“ and ülekaehusõ lõunõeestikiilse kirändüse võro haro kujunamisluust 17. aastasaast nikagu täämbätse pääväni ja om pruugitav nii opimaterjaali ku ka silmätsõõri laembas tegevä kultuuri- ja kirändüsluulidse tekstinä. Võro Instituudi välläandõna ilmunu tüü https://wi.ee/wp-content/uploads/2021/10/kirjanduslugu.pdf autor om kirändüstiidläne Velskri Mart, kiä om lõunõeestikiilse kirändüse uurmisega tegelnü aastit: 2014. aastagal ilmusi timä Tartu Ülikoolin […]
