30 september, 2026
Võro Instituudi süküskonvõrentse alostusõst saa timahavva 30 aastakka. 22.–23. rehekuul (oktoobri) peedäs Võro liinan konvõrentsi “Õdagumeresoomõ piiriq”. Õdagumeresoomõ keele omma võro, eesti ja soomõ keele lähembä sugulaskeele liivist kveenini ja meäkeelest vepsäni. Konvõrendsil arutõdas naidõ kiili aoluku, olõvat ja tulõvat aigu keeletiidüse, arkeoluugia, geneetika, folkloristika jt meetoditõ abiga. Lähembält loe siist!
29 september, 2026
Minevä nädäli lõpun peeti Suitimaal Lätin projekti “Umakultuur mi ümbre” töine kokkosaaminõ ja tuu seen oll´ ka oppajilõ mõtõld foorum. Kokkosaamisõ iinmärk oll´ jaka projekti käügin kogotuid kogõmuisi tõisiga ni tetä plaanõ tulõvigus. Foorumilõ kogosi kokko küländ hää hulk oppajit Kuldīga kandi kuulõst. Päält näide ka rahvast Eestist: Meel Valk Võromaa Arõnduskeskusõst, Nele Hendrikson Võro […]
24 september, 2026
Säitsmendat kõrda ots Võro Instituut julgit inemiisi, kiä mõistva võro kiilt ja omma valmis võro keele nädäli aigu 2.-8. märdikuul härgütämä ka tõisi inämb uma kiilt pruukma. Võro keele agente panõmi kirja nika ku 15. rehekuu pääväni. Hindä nättäväs tegemises saa agent osta agendipusa, -hammõ vai märgi. Kirjapandminõ: https://forms.gle/vnXuLH8KLH6H2rFr8 Pääle kirjapandmist saadami agendile meili pääle […]
16 september, 2026
Põimukuu lõpun kirotõdi ala kavva oodõtulõ meetmele „Eesti keele piirkondlikku erikuju õpetavate õpetajate ja kultuuriõppe toetamise tingimused ja kord“. Tuu meede tugõ kuulõ ja latsiaidu paikligu keele ja umakultuuri oppamisõl. Võro Instituudi inemiisil om tuu üle umbõ hää miil ja mi kutsu kõiki Vana-Võromaa kuulõ ja latsiaidu taad võimalust tarvitama! Meetme seen saa tukõ […]
15 september, 2026
9. süküskuu pääväl oll Võro Tähesära latsiaia Sõlõkõsõ majan kuuntüüpäiv Vana-Võromaa ja Setomaa latsiaiaoppajilõ. Sinnä olli tulnu nii vahtsõ umakultuuri ku ka joba pikembät aigu keelepesärühmin tüütänü oppaja eri kandõst. Platsin olli viil kuuntüüpartnõri Võromaa arõnduskeskusõst, Võro ja Seto Instituudõst. Meel Valk Võromaa Arõnduskeskusõst võtsõ kokko umakultuuri lõimmisõ aastaga. Sõlõkõsõ maja võrokeeline rühm ja Meremäe […]
14 mai, 2026
18. juunil kl 18 om Võrol Kandlõ aian kontsõrt “Rõõmsa lats”. Kontsõrdil laulva Laulupesa latsõ vahtsit võrokeelitsit latsilaulõ, miä omma luudu keelepesä- ja muusigaoppajidõ ütistüün paar aastat tagasi. “Võrokeelitsit täämbädse ao sündmüisist kõnõlõvit latsilaulõ ei olõ hulga kaupa võtta. Laulu omma sündünü tarvidusõst võro keele rühmin umakiilsit laulõ laulda,” selet Võro Instituudi keelepesä projektijuht Evely […]
13 mai, 2026
7. lehekuu pääväl oll Sänna Kultuurimõisan 22. võrokeeline Artur Adsonilõ pühendet luulõpäiv, kon asti üles 19 last Kääpält, Haanist, Võrolt, Põlvalt ja Tartolt. Noorõ luulõlugõja, 39. “Mino Võromaa” konkursi avvuhinna saanu kirotaja ni näide oppaja panni Sännä mõisa saali võro keelega keväjädselt helämä. Luulõpääväst võti ossa üts latsiaid ja viis kuuli, kõgõ inämb esisugumaidsi etteastiid […]
8 mai, 2026
„Mino Võromaa“ 39. võistlusõlõ saadõti kokko 49 tüüd säitsmest Vana-Võromaa koolist ja ütest keelepesärühmäst. Parõmbidõ kirotajidõ tennämine oll 7. lehekuul 2026 Sännä kultuurimõisan Artur Adsonilõ pühendet luulõpääväl. „Mino Võromaa“ võistlusõ tugõja oll Eesti Rahvakultuuri Keskus. Kõgõ noorõmb ütentegijä Romeli Rüütli, „Vanavanaimä perändüs“, Sõlekese latsiaid, avitaja Maia Päevalill *** 4.–6. klassi vannusõrühm 1.–2. kotus Albert […]
9 aprill, 2026
Tulõ võrokeelidsele latsi ja nuuri luulõpääväle! 7. lehekuu pääväl kell 11.00 kõrraldadas Sännä Kultuurimõisan võrokeeline Artur Adsonilõ pühendet latsi ja nuuri luulõpäiv. Umakeelidse luulõ ettekandmisõ mõtõ um suurt võrokeelist luulõtajat miilde tulõta ja tõisigi kiränige võrokeelist loomingut lugõma härgütä. Võrokeelidsel luulõpääväl võiva luulõtuisi lukõ kõiki Vana-Võromaa kuulõ ja latsiaidu esi vannusõn latsõ. Egä lugõja kand […]
21 detsember, 2025
Sannu peremiihi abiga om 2025. aastaga talvitsõs käänüpääväs kirja saanu 770 suidsusanna. Noist 720 kotsilõ omma ka sannakombõ kirja pant. Suidsusannu kokkolugõminõ naas pääle 2025. aastaga keväjädsel käänüpääväl ja lätt edesi, selle et om viil hulga sannu, miä olõ-i üle loetu. Kokkolugõminõ jakkus: jõuluaol iho ja heng suidsusannan puhtas ja sann kirja! Kiä olõ-i viil […]