28 september, 2017
Võro Instituudi üleskutsõl valiti Euruupa kiili pääväs vällä põnõvit võro keele sõnno. Kõgõ inämb pakuti vällä sõnno prõlla ja pudsunudsija. Sõna saadõtasõq keelenäütüsele Friisimaalõ. Võro Instituut kutsõ üles Euruupa kiili pääväs (26.09) vällä pakma kõgõ põnõvampi võro keele sõnno. Päält 60 inemise paki (nii instituudi Facebooki lehe pääl ku telefoniga) kokko vällä päält 200 sõna. Kümme kõgõ […]
18 aprill, 2017
Võro Instituut on kolinu tagasi umma Tarto (Tartu 48, Võru) uulitsa majja. Tüütarõ omma nüüt ilosamba ja tüüd tetä rõõmsamb. Kõik instituudi inemise omma uma inneskisten tarõdõn. Kinkal asja, astkõ sisse!
21 märts, 2017
Timahavva om Artur Adsoni nimelidse luulõpäävä asõmal tõsõ Sännän sündünü Võromaa kirämehe Juhan Jaigi (1899-1948) avvus võrokiilne juttõ kõnõlamise päiv. Edimäne Jaigi-nimeline jutupäiv peetäs 27. mahlakuul päälenakkamisega kell 12.30 Sännä mõisan (täpsempä loe ettevõtmise kotsile siist). Lähembält saa kõgõ kotsilõ küssü 569 16281 (Tiia Allas). Jutupäävä kõrraladas Võro Instituut kuuhtüün MTÜ-dega Sänna Mõisakeskus ja Sänna […]
14 märts, 2017
Võro keele ja kultuuri parõmba tundja timahavadsõl, 2017. aastaga olümpiaadil omma: klassin Ode-Lisette Rosen (Osola Põhikuul, op Merlin Mürk) 41 p Janeli Haak (Mõnistõ Kuul, op Asta Pazuhanitš) 39 p Kirsika Kõiv (Mõnistõ Kuul, op Asta Pazuhanitš) 38 p Marge Kons (Haani Kuul, op Kersti Leit) 35 p Jannet Koemets (Haani Kuul, op Kersti Leit) […]
13 märts, 2017
Imäkeelepäävä tähistämises teivä Vana-Võromaa latsiaidu võrokeelitside keelepessi 260 last üten oppajidõga käokirässit. 320 käokiräst, eesti keelen lepatriinut, lindasõ keväjäs Mooste rahvamuusikatüütlüisi festivalile „Moisekatsi Elohelü“ ütenlüüjit rõõmustama. Meelüsside meisterdämisega opiti selges latsi jaos vahtsõnõ võrokeeline sõna käokiräs. Meelüs om märkmepapridõga külmäkapimagnet, midä ilostasõ latsi tettü käokirässe. „Latsilõ jäi vahtsõnõ sõna häste miilde ja nä tahtsõva taad […]
12 märts, 2017
Võro Instituudi kontor om põimukuust 2016 kooni mahlakuu keskpaigani 2017 vahtsõn paigan, Liiva 21 (õks Võro liinan). Mi Tarto uulidsa kontorin tetäs remonti. Telefoninumbrõ omma kõik sama, e-posti aadrõssi niisamatõ, a kiä küllä taht tulla, tulku Liiva uulitsahõ.
7 märts, 2017
11.–13. põimukuul peetäs Lätimaal Kornetin Kaika suvõülikuuli. Suvõülikoolin saa kullõlda loengit ja kaia kultuuriprogrammi. Tutvas saias ka paigaga, tuujaos tetäs sääl huvisõit. Suvõülikuuli peetäs timahava 29. kõrda. Edimäne võrokõisi suvõülikuul oll’ 1989. aastagal Karula kihlkunnan Kaikal. Suvõülikooli teedüsleht Kava: KAIKA SUVÕÜLIKUUL KORNETIN 11.–13.08.2017 RIIDI, 11. PÕIMUKUU 12.00 Buss Võro kerigu mant 13–14 Kirjapandminõ ja süük […]
27 jaanuar, 2017
4. radokuu pääväl (04.02.2017) om Vana Võromaa Kultuurikuan (Katariina allee 11, inneskine Võrumaa muuseum) KEELE HERÄTÄMISE PÄIV, kon saa kullõlda kattõ ettekannõt katskiilsüsest ja keelepessit ni kõnõlõmistsõõrin mõttit vaihta. Lektoris omma Soomõ keeletiidläse, veidembüskiili uurja ja veidembüskiili sõbra Annika Pasanen ja Janne Saarikivi. Edesi kae: täpsämb kava. Teedüs: Mariko Faster, mariko.faster@wi.ee, 56213177
11 november, 2016
MINO VÕROMAA Oodami juttõ, luulõtuisi, nalajuttõ, näütemängõ, katõkõnnit, märgotuisi, laulõ – kõiksugudsõ kirätüü omma oodõdu! Timahava saava latsõ ja noorõ valli viie teema hulgast. A olõs hää, ku kirätüül olõs uma mõtõld päälkiri (tuu tähändäs, et teema ei olõ üteliisi jutu päälkiri). Kimmäle või kirota ka umal süämelähküdsel, vabal teemal. Hinnatas vannusõrühmi perrä (I-III, IV-VI, […]
18 oktoober, 2016
Võro instituut kuts opilaisi Vanal-Võromaal ja kavvõmbal võro keele nädälil 7.-13. märdikuul klipivõistlusõlõ „Kae sõs!“. Kõik huvilidsõ omma oodõdu tegemä videoklippõ, kon om kuulda võro kiilt, olku tuu sis laul, nallalugu, lühkü katõkõnõ vai midägi muud. Teema või vabalt valli (koolielo, võrokõsõs olõminõ vms), a tuu piässi ka tõisi üten haardma – mõtlõma pandma vai […]