Holtsi Leila om sündünü 14. põimukuul 1981 (14.08.81). Tä kasvi üles Põlva vallah Kähri küläh mitte väegä kavvõl Kõivo juttõst tuntust Kähri kerkost. 1988.-2000. aastagal käve Põlva Ütisgümnaasiumih ni astsõ 2000. aastaga sügüse Tarto Ülikuuli. Sääl opsõ tä eesti kirändüst ni eesti kiilt. Jo inne lõpõtamist nakas Leila Põlva maakunna aolehe Koit kiilt toimõndama, sääl tüüt 2005. aastaga lõpuni. Sis kolisi tä Inglüsmaalõ Newcastle’ihe, koh eläs ka parhillatsõl aol.
Kirändüslik tegevüs:
Holtsi Leila nakas kirotama jo koolih kävven. Kirändüsoppaja Pintsoni Merle käe all sai timäst gümnaasiumi lõpus nuur kiränik, kelle luulõtusõ ilmusiva nii ütisgümnaasiumi almanahhin “Põlvepõllud” ku ka kohalikun aolehen ni saiva häid kotussit opilaisi luulõvõistluisil.
Ülikoolih luulõt Leila edesi. Kotost kavvõl ollõn nakas tä võro keeleh kirotama. Nigu Kauksi Ülle ütel, nii ka läts – et võro kiränigu nakkasõ umah keeleh kirotama kotost kavvõl ollõn. Üts suur mõotaja oll rahvalauluansambli Sinimaniseele, koh nuur kiränik tei lähkümbät tutvust vanõmba eesti rahvalauluga. Oma osa Leila loominguh oll ka Tartu Ülikooli Lõuna-Eesti keskusõl, Tarto tandsuklubil ni Võro Instituudil.
Inne Inglüsmaale kolimist avald Leila oma edimädse luulõkogo „Põimaja kuu all“, miä oll läbilõigõ timä luudust inne ja peräst ülikuuli. Tõnõ luulõkogo “Veere päält lauldõn” näkk ilmavalgust 2016. aastaga keväjä. Viil om tä avaldanu umma loomingut aokiräh Täheke (võrokiilsin) ja nuuri kirändüsaokiräh Värske Rõhk ni täl om ka uma võrokiilne luulõ aoveeb Aotsibõnaq (www.leilahella.wordpress.com).
Holtsi Leila loomingu kotsilõ:
Allas, T. Noorõ naasõ luulõ om tsipa Kaplinski muudu. Uma Leht 14.02.2006
Kuningas, J. Kähri külast pärit neid sirutab omanäolisi sõnu kuu poole. Koit 18.02.2006. (Rmt: Holts, Leila. Põimaja kuu all. Kähri 2005)
Põdersalu, K. Loomulikkus. Värske Rõhk 2006/8. (Rmt: Holts, Leila. Põimaja kuu all. Kähri 2005)
Kauksi, Ü. Veereq ja viirmäne, veeremaa ja ilmaviir Holtsi Leila luulõtuisih. Looming 2016/8. (Rmt: Holts, Leila. Veere päält lauldõn. Võro Instituut 2016)
Holtsi Leila luulõt
Holtsi Leila om sündünü 14. põimukuul 1981 (14.08.81). Tä kasvi üles Põlva vallah Kähri küläh mitte väegä kavvõl Kõivo juttõst tuntust Kähri kerkost. 1988.-2000. aastagal käve Põlva Ütisgümnaasiumih ni astsõ 2000. aastaga sügüse Tarto Ülikuuli. Sääl opsõ tä eesti kirändüst ni eesti kiilt. Jo inne lõpõtamist nakas Leila Põlva maakunna aolehe Koit kiilt toimõndama, sääl tüüt 2005. aastaga lõpuni. Sis kolisi tä Inglüsmaalõ Newcastle’ihe, koh eläs ka parhillatsõl aol.
Kirändüslik tegevüs:
Holtsi Leila nakas kirotama jo koolih kävven. Kirändüsoppaja Pintsoni Merle käe all sai timäst gümnaasiumi lõpus nuur kiränik, kelle luulõtusõ ilmusiva nii ütisgümnaasiumi almanahhin “Põlvepõllud” ku ka kohalikun aolehen ni saiva häid kotussit opilaisi luulõvõistluisil.
Ülikoolih luulõt Leila edesi. Kotost kavvõl ollõn nakas tä võro keeleh kirotama. Nigu Kauksi Ülle ütel, nii ka läts – et võro kiränigu nakkasõ umah keeleh kirotama kotost kavvõl ollõn. Üts suur mõotaja oll rahvalauluansambli Sinimaniseele, koh nuur kiränik tei lähkümbät tutvust vanõmba eesti rahvalauluga. Oma osa Leila loominguh oll ka Tartu Ülikooli Lõuna-Eesti keskusõl, Tarto tandsuklubil ni Võro Instituudil.
Inne Inglüsmaale kolimist avald Leila oma edimädse luulõkogo „Põimaja kuu all“, miä oll läbilõigõ timä luudust inne ja peräst ülikuuli. Tõnõ luulõkogo “Veere päält lauldõn” näkk ilmavalgust 2016. aastaga keväjä. Viil om tä avaldanu umma loomingut aokiräh Täheke (võrokiilsin) ja nuuri kirändüsaokiräh Värske Rõhk ni täl om ka uma võrokiilne luulõ aoveeb Aotsibõnaq (www.leilahella.wordpress.com).
Holtsi Leila loomingu kotsilõ:
Allas, T. Noorõ naasõ luulõ om tsipa Kaplinski muudu. Uma Leht 14.02.2006
Kuningas, J. Kähri külast pärit neid sirutab omanäolisi sõnu kuu poole. Koit 18.02.2006. (Rmt: Holts, Leila. Põimaja kuu all. Kähri 2005)
Põdersalu, K. Loomulikkus. Värske Rõhk 2006/8. (Rmt: Holts, Leila. Põimaja kuu all. Kähri 2005)
Kauksi, Ü. Veereq ja viirmäne, veeremaa ja ilmaviir Holtsi Leila luulõtuisih. Looming 2016/8. (Rmt: Holts, Leila. Veere päält lauldõn. Võro Instituut 2016)
Holtsi Leila luulõt
