Valla lätt „Mino Võromaa“ 39. võistlus
Võro Instituut kuulutas vällä 39. latsi ja nuuri võrokiilside kirätöie võistlusõ MINO VÕROMAA
Oodami võistlusõlõ kõiksugutsit kirätöid: juttõ, luulõtuisi, nalajuttõ, näütemängõ, katõkõnnit, märgotuisi, laulõ jne. Timahava saa valli kuvvõ teema hulgast. Kimmäle või kirota ka vabal teemal. Hinnatas vannusõrühmi perrä (I–III, IV–VI, VII–IX ja X–XII klass).
„Mino Võromaa” 39. võistlusõ teema omma:
- Miä minno üten haard (sport, muusiga, TikTok vai miäki muu)
- Ja ussõ takan oll…
- Ku ma olõssi oppaja, sis…
- Mi perren/külän om alalõ üts vana kommõ
- Kas ikkõ vai naarda?
- Kunstmudsu vai perismudsu puult vai vasta
Kunstmudsu api kirätüü tegemise man pruuki ei või. Oodami võistlustöid radokuu 14. pääväs (14.02.2026) meili pääle kaile.kabun@wi.ee.
Ku tüüd kuigi meili pääle saata ei saa, või käsikirä tuvva/saata Võro Instituuti (Tartu 48, 65609 Võro).
Parõmbilõ kirotajilõ avvuhinna!
Lähembält saa võistlusõ kotsilõ küssü tel 525 3215 (Kaile Kabun).
Jagamine