Kutsumi ümbrepandmise võigõlusõlõ „Egäh kolgah uma kiil“

 

Võro Instituut kuts nuuri ni vanno ossa võtma ümbrepandmisõ võigõlusõst, koh egälütel tule ümbre panda kats tsillokist, a häste esimuudu eestikeelist teksti. Mille mi toda teemi? Õks tolle jaos, et ümbrepandmise kunst inemiisi pääh kah alale püsünü ja et Vana-Võromaa eri kotusside keelepruuk saanu kirja pant.

Teksti omma kõigile sama. Ümbre võit panda kõik kats teksti vai valli õnnõ üte. Kõgõ kangõmba ümbrepandja saava vääriliidsi võro keelega köüdet avvohindu ja ärhmärkmise Umah Leheh, ilmkuulmalda avvu ja kittüs viil pääle tollõ.

Aigu ümbrepandmise jaos om veidü – valmis tüü piät olõma Uguri Kadri postkastin kadri.ugur@wi.ee kõgõ hildamb 31. rehekuu päiväl kell 23.59. Parembide töie vällähõikamine om plaanit 7. märdikuul kell 18 Räpinä loomõmajan Pargi 31. Säälsaman om ka Laanõ Triinu vahtsõ latsiraamadu vällänäütämine.

Otsi teksti vällä ja pane ümbre võro kiilde – õkva nii, nigu su meelest õigõ om. Ku uma tüü ärh saadat, sis märgi ärh uma nimi, vannus ja tuu, kostkotsilt ja kinkä suust su võro kiil peri om (külä, kotus, inemise, oppuse, raamadu, lemmigu jne).

Tõlkmist uutva teksti lövvät siist!

Nakkami pääle!

Jagamine