Võro Instituut kuulutas vällä latsi ja nuuri võrokiilside kirätöie võistlusõ MINO VÕROMAA

Oodami võistlusõlõ kõiksugutsit kirätöid: juttõ, luulõtuisi, nalajuttõ, näütemängõ, katõkõnnit, märgotuisi, laulõ jne. Timahava saa valli kuvvõ teema hulgast. Kimmäle või kirota ka vabal teemal. Hinnatas vannusõrühmi perrä (I–III, IV–VI, VII–IX ja X–XII klass).

„Mino Võromaa” 38. võistlusõ teema omma:

1.  Mu lemmikkotus (Vanal-Võromaal)
2. Võromaa kangõlanõ/vägimiis
3. Määnest väke (supervõime) ma hindäle himosta
4. Elläi kõnõlõs
5. Ma ja võro kiil
6. Ku mu vanaimä/vanaesä lats oll

Oodami võistlustöid radokuu 14. pääväs (14.02.2025) meili pääle kaile.kabun@wi.ee.

Ku tüüd kuigi meili pääle saata ei saa, või käsikirä tuvva/saata Võro Instituuti (Tartu 48, 65609 Võro).

Parõmbilõ kirotajilõ avvuhinna!

Lähembält saa võistlusõ kotsilõ küssü tel 525 3215 (Kaile Kabun).

Jagamine