Hää oppaja!

 

Võromaa latsil om himo Võromaast rohkõmb teedä ja võro kiilt rohkõmb kuulda. Tuu and näile hindätiidmise ja kimmä maa jalgu ala. Mi koolõn om küländ oppajit, kiä mõistva võro kiilt häste, a olõ-õi harinu tuud latsiga vai koolimajan pruukma. Võro Instituut kuts kõigi ainiidõ oppajit ilma massulda koolitusõlõ, koh opitas uma keele pääl püsümä ja kõiksugumaidsi asju võro keelen kõnõlõma. Ei olõ tähtsä, määne su võro keele oskus om  – sjoo koolitus omgi opmisõ kotus.

Edimäne opmispäiv om puulpäiv, 15. radokuu päiv. Alostus om kell 10 ja lõpp kell 14. Sisu om niisääne:

• uma keele pääl püsümise har’otusõ;
• mis tuu uma kiil om ja kuis mitme keele pruukmine latsõl mõos;
• kuimuudu aine- ja keeleoppust ütte köütä (lõimitu aine- ja keeleoppus).

Egä oppaja om oodõtu pruuvma ja märgotama uma keele pruukmisõ üle koolin, kon umal aol oll võro keel peris karmilt ärh keelet.

Parõmb olnu, ku sä hindäst teedä andnu kas e-kiräga (kadri.ugur@wi.ee) vai sjoo lingi pääle.

Ku midägi viil küsüdä tahat, sis kõlista 517 5174. Ja ku ütsindä tihka-õi tulla, sis võta kiäki üteh.

Sjoo opmispäiv ei panõ su pääle mändsidki kohustuisi, a või olemise värskembäs tetä.

Jagamine