Võro Instituut ots Vana-Võromaa Kultuurikualõ vahtsõt juhatajat,

kink tüü om käügin hoita kunstigallõrii ja muusõum, miä näütäse Vanal-Võromaal 8000 aasta joosul olnut ja parhillast ello.

 

Tüü tahtja piät:

• olõma opnu korgõmban koolin, eriti hää ku aoluku, kultuuri, kunsti vai oppamistiidüst;
• mõistma võro kiilt, eesti kiilt ja mõnt võõrast kiilt;
• mõistma inemiisiga läbi saia ja kuuntüüd tetä.

Kasus tulõ varatsõmp iistvidämise, üleskitmise vai muud muudu tõisiga ütentegemise tüü.

 

Mi man saat:

• tetä vaeldusrikast täüskotussõga tüüd;
• anda mano väke, et Vana-Võromaa esieräline aoluu- ja kultuuriperändüs alalõ jäänü;
• oppi mano vahtsit tiidmiisi;
• tüütasso edimält 1700 eurot kuun.

 

Tüüga saa pääle naada 1.08.2024, vai ku vaia, sõs tsipa ildampa.

 

Tüü tahtja piät hindäst teedä andma ildampa 31.05.2025. Oodami seos tärmänis:

• kirotõdut avaldust;
• ülekaehust seenidsest elokäügist;
• dokustaatõ haridusõ kotsilõ;
• kirotõdut luku, mille tahat seod tüüd tetä ja kuis piäsi Vana-Võromaa Kultuurikoda edenemä;
• teedüst tuu kotsilõ, midä hindä man viil kität.

 

Dokustaadi tulõ saata e-postiga aadrõsi wi@wi.ee pääle vai postiga Võro Instituuti (Tartu 48, 65609 Võru).

 

Teedüst saa mano küssü: Kuuba Rainer, 5645 1444 vai rainer.kuuba@wi.ee.

Jagamine