9. süküskuu pääväl oll Võro Tähesära latsiaia Sõlõkõsõ majan kuuntüüpäiv Vana-Võromaa ja Setomaa latsiaiaoppajilõ. Sinnä olli tulnu nii vahtsõ umakultuuri ku ka joba pikembät aigu keelepesärühmin tüütänü oppaja eri kandõst. Platsin olli viil kuuntüüpartnõri Võromaa arõnduskeskusõst, Võro ja Seto Instituudõst.

• Meel Valk Võromaa Arõnduskeskusõst võtsõ kokko umakultuuri lõimmisõ aastaga.
• Sõlõkõsõ maja võrokeeline rühm ja Meremäe latsiaia setokeeline rühm jagasi hindä edimädse aastaga kogõmust viiepäävädse keelepesärühmä käümäsaamisõl.
• Tunnustõdi Kuldri, Mõnistõ, Lasva, Sõlõkõsõ ja Setomaa latsiaidu haridusministri tenokiräga umakultuuri lõimmisõ strateegia luumisõ ja julgõ pruuvmisõ iist.
• Kristiina Maripuu Eesti Keele Instituudist kõnõl vahtsõst toetusmeetmest, mink iinmärk om julgusta paikligu keele egäpääväst sissetuumist kooli- ja latsiaiaello ni kittä võro kiilt oppavit oppajit.

Kokkosaaminõ peeti Interreg Eesti-Läti programmi projekti „Surrounded by Heritage“ ehk „Umakultuur mi ümbre“ raamõn. Tuusjaos om rahha andnu Interreg VI-A Eesti-Läti programm 2021–2027.
Aituma kõigilõ ossavõtjilõ ja aituma vastavõtmisõ iist, Sõlõkõsõ latsiaid!

 

           

Jagamine