Võro kirändüs

Võro kirändüs om hariligult võrokiilne, aga võro kirändüse ala mahus ka aoluulidsõlt Võromaalt peri kiränike luudu, niisamatõ looming, miä kõnõlõs Võromaast, ja mõnikõrd või võro kirändüses pitä ka teksti, kon lihtsäle leühheles võro vaim.

Võro kirändüse uurja Tiia Allas, kirändüstiidläne Mart Velsker ja kiränik Kauksi Ülle omma avitanu kujonda võro kirändüse teoreetiliidsi alguskotussit ja olnu vahetallitajas lõunaeesti kirändüse saamisõl laemba eesti kirändüstiidüse osas. Tiia Allasõ kirändüstiidülidsin artikliin omma teemadõs olnu kotussõpäälisüs ja kotussõvaim ni keele, kirändüse ja hindätiidmise köüdüsse. Uurmismatõrjalis om tä tarvitanu võrokiilside kiränikke loomingut.

Võro Instituut om vällä andnu võro peritollo autoriide loomingu kommõnteeritüid raamatit.

Rahvaluulõ

Rahvaluulõst om uurit ja uuritas edesi võrokiilside rahvalaulõ (inämbjaolt leelo), jutussidõ, vannosõnno ni ütelüisi kiilt köüdetült rahvaluulõ välläandmisõga raamatin ja veebin; pääle sõnno ja ütelüisi tähendüisi omma vaia selges tetä vanavarakorjajidõ tarvitõdu kiräviie ni keelekujo ja viiä nuu kokko täämbädse päävä tiidmisega Võromaa paigapäälitsist keelepruugõst; uurminõ nõud ka korjajidõ ja teedüseandjidõ hindi elolukõ parõmbat tundmist, nii et vahtsõmbat matõrjaali korjus ka tuu kottalõ.

 

Jagamine