Kutsminõ konvõrendsilõ

„Iist muusõum, seest gümnaasium“
11. rehekuu pääväl 2024

Kotus: Karilatsi vabaõhumuusõum (Karilatsi, Kanepi vald, Põlva maakund)

Võro instituudi sügüsene tiidüskonverents om timahavva muusõummõ ja muusõumiharidusõ teema pääl. Konvõrendsil otsitas vastussit küsümisile, kuimuudu võinuq paigapääline muusõum kõgõ parõmbidõ tiiniq umma rahvast, kogokonda ja külälist kavvõmbast. Ku muusõumi alaliigis om „paigapääline“ vai „talorahva“, sõs om uutaq, et saavaq kokko aolugu ja mikroaolugu. Tähelepandmist saavaq aoluu suurõq püürdmiseq ja inemiisi harinõminõ noidõga, ütelt puult riik (kah´os sakõstõ võõrvõim), tõsõlt puult kogokund ja perekund, majandus ja ihotoidussõ tiinmine, kultuurikõrraldus ja esiqtegemine, koolikõrraldus ja kõgõparõmbaq loodussõq latsõ tulõvigu pääle.

Määne om paigapäälidse muusõumi köüdüs seoilmaaigsõ inemisega, kinka jaos üte vai tõsõ paiga peris uma kotussõ tunnõq ei käüq kõikaig kokko elokotussõga? Määnest tüüpi kogõmusoppamist sutvaq oppajaq ja muusõumiq kuun pakkuq? Ikäv ja kulunu vai esieräline perreperimüse pildi laembas tegejä – määne läbisaaminõ tegünes gümnaasiumi opilasõl paigapäälidse muuseumiga?

Plenaarettekandõq pidäväq Tartu ülikooli muuseumi direktor, museoloog Mariann Raisma ja muuseumipedagoog Kaja Visnapuu.

Kaeq konvõrendsi kavva.

 

Kirjapandminõ ja muu kõrraldusõ info

Konvõrendsilõ viil saa hinnäst kirja pandaq siin. Viimäne päiv kirjapandmisõs om 7. rehekuu (07.10.2024), tuus aos om vajja tiidmist bussisõidu ja lõunasöögi suuvjidõ kottalõ.

Tellit massulda buss Karilatsi lätt vällä 11. oktoobril kell 8.00 Tal´nast Mere pst 5 iist ja 10.20 Tartust Vanemuise alomadsõst parklast. Karilatsist tagasi sõitma nakkas buss õdagu kell 19 ja jõud Tal´nalõ kellä 22 paiku.

Osavõtumassu ei olõq, a lõunasöögi ja kohvipausõ iist korjami rahha 15 €. Ettekandõ pidäjide käest rahha ei võeta. Söögisoovist tulõ teedäq anda kirjapandmisõl ja seo iist saamiq saata arvõ ette.

Inämb teedüst saa:

Võro Instituut, Tartu tn 48, 65609 Võru

e-post: wi@wi.ee

tel (+372)5111285 (Kersti Liloson, muusõumiosakunna juhataja)

tel (+372)5621 3174 (Evar Saar, onomastika tiidrü)

 

Jagamine