Süküskuu 2024 alostusõn naati Võro Instituudin pääle vahtsõ projektiga “Umakultuurr mi ümbre”. Inglüse keeli um projekti nimi “Surrounded by Heritage” (“Contemporary and innovative heritage culture teaching solution for municipal schools and kindergartens”). 

Rahha and: Interreg VI-A Eesti-Läti programm 2021-2027   

Projekti iistvidäjä: Võrumaa Arenduskeskus

Üten tüütäse: Võro Instituut, Seto Instituut, Aluksne vald, Kuldiga vald, Suiti Kultuuripärandi Fond 

Projekti aig: süküskuu 2024 – joulukuu 2026 

Projekti iinmärk um kasvata Vana-Võromaa ja Setomaa latsi ni nuuri tiidlikküst piirkunna keelest ja kultuurist. Iihmärgi täütmise jaos um vaia tuvva piirkundlik kiil ja kultuur latsiaidun ja kuulõn  inämb vällä. Tuu avitas latsi ja nuuri köütä perändkultuuriga loomuligult ilma, et ainõtunnõ mano tulnu. Tarvitami kõgõ parõmbit täämbädse päävä tiidmiisi ruumist ku inemise hää olõmisõ ja opmisõ mõotajast, et muuta olõmahn ollõv opmisõ keskkund piirkundligu perändkultuuri kandvas ja tuulõ joudu andvas. Kuuntüühn lätläisiga luvvas nelä kultuuriruumi pääle ütine plaan piirkundligu perändkultuuri tuumisõs opmisõ keskkunda ni proovitas tuud perrä 7 koolin ja 7 latsiaian (üts kuul ja üts latsiaid egäst projektin ossa võtvast umavalitsusõst). Projekt nakkas pääle parhilladsõ olokõrra uurmisõga ni võetas kokko vällämärgit plaani elloviimise lahksamisõga. Projekti perämäne ettevõtminõ um 2026. aasta lõpun Vana-Võromaa ja Setomaa ütidse haridusõ foorumi pidämine ja maakundligu “Uma leppe” tegemine. Foorumil jaatas kõgõ parõmbit kogõmuisi tõisi kuulõ ja latsiaiduga ni plaanitas lahõnduisi laembat elloviimist vana-võromaa ja setomaa kultuuriruumin.

Projektist võtva ossa järgmädse kooli ja latsiaia:

Antsla vald: Kuldri Kuul ja Kuldri Kooli Latsiaid Sipsik

Võro liin: Võro Kreutzwaldi Kuul ja Latsiaid Sõleke

Võro vald: Kääpä Kuul ja Lasva Latsiaid Pargihaldjas

Rõugõ vald: Rõugõ Kooli Mõnistõ opikotus ja Rõugõ Latsiaia Mõnistõ opikotus

Setomaa vald: Setomaa Gümnaasium ja Setomaa Latsiaid

Projekti aokava:

1. Parhilladsõ olokõrra uurminõ – süküskuu-rehekuu 2024
2. Kultuuri vaihtamisõ ringreisi– seto, võro, aluksnõ piirkund – 28.-30. rehekuu 2024; suiti piirkund – 20.-22. vahtsõaastakuu 2025
3. Piirkundligu keele ja kultuuri oppus oppajilõ ja koolijuhtõlõ – 5 opmisõ päivä + opmisõ ringsõi – terve 2025. aastak
4. Plaani kokkopandminõ (kuuntüün oppajidõ, haridusammõtnikõ ja asatundjidõga) – joulukuu 2024 – urbõkuus 2025 
5. Vällämärgit plaani perrä opmisõs ja ruumi kujondamisõs tarvilikõ matõrjaalõ tegemine – urbõkuu-põimukuu 2025
6. Vällämärgit plaani perräpruuvminõ projektist ossa võtvain kuulõn ja latsiaidun – 2025/2026 oa
7. Vällämärgit plaani elloviimise lahksaminõ – süküskuu-rehekuu 2026
8. Haridusõ foorum ni maakundligu “Uma leppe” tegemine. Kõgõ parõmbidõ kogõmuisi jagaminõ tõisi kuulõ ja latsiaiduga ni edesiisi plaanõ tegemine – märdikuu 2026

Projekti rahaplaanih um 375 000 eurot, minkast ERDF tugi um 300 000 eurot.

Võro Instituudin saa inämb teedüst: Rõõmusossa Triin, 53487937, roomusoks@gmail.com.

Projekti tugõ: Eesti-Läti Piiriülese Koostöö Programm 2014-2021.

Mõnistõ Kooli latsõ muusõumi vahtsõt aida tegemän

Jagamine