Ütine tsiht saa kimmämb ja vägevämb ku tuud rõõmu, laulu ja hää söögiga pühitsedäs. Minevä nätäl saimi Eesti-Läti kuuntüüprojekti “Umakultuur mi ümbre” iistvidäjäjidega Setomaal kokko ni arotimi ütist umakultuuri haridusello köütmise strateegiat. Päält tuud opsõmi Mikitamäel Luigasõ Inaraga pelmeene tegemist, laulsõmi ja tandsõmi Lüübintsan kuun leelonaasiga ni saimi tutvas Obinitsa kogokunnaklassi tegemiisiga. Kokkosaamisõ lõpõtusõs kõlistimi Hõrna Aare juhatusõl eski kerkokelli.

Rõõmuga pühitsedu strateegia and kuulõ ja latsiaidu ni umavalidsuisi juhtõlõ tsihi umakultuuri köütmises haridusello:

1. Umakultuur om laemb ku õnnõ kiil, laul, tands ja rahvarõiva.
2. Kimmä hindä- ja kotussõtiidmise kujondaminõ avitas üten rahulidsõlõ elolõ.
3. Hoiõt umakeeline keskkund and julgust umma kiilt kõnõlda.
4. Umakultuuri edesiandminõ piät olõma loomulik, elolinõ ni egäpääväne.
5. Umakultuur luu ütenolõmisõ tundõ ni tugõ vaimo ja henge tervüst.
6. Mi kõik olõmi umakultuuri luuja ja edesikandja.

Strateegia plaanimi valmis saia lehekuu lõpus. Projektile and rahha Interreg VI-A Eesti-Läti programm 2021-2027.

Jagamine