Oodõtas Hindätiidmise avvuhinna kandidaatõ
Võro Instituut üten Võromaa Arenduskeskusõ ja Põlvamaa Umavalitsuisi Liiduga kuulutas kuvvõndat kõrda välla Hindätiidmise avvuhinna konkursi.
Egaüts saa ette säädi Vana-Võromaa latsiaia, kooli ja/vai kultuuriasotusõ, ütisüse vai (ütsik)inemise, kiä huul mi paigapäälitsist väärtüisist. Avvuhinna saajas võiva nii eräisiku ku asotusõ ja seldsi, niisamatõ (ütsik)inemise vällä pakku ka esihinnäst.
Avvuhindo välläandmisõ man kaias:
– kuis hindätiidmist ja hindästpidämist vällä näüdätäs;
– kuis hindätiidmine ja hindästpidämine vällänpuul koto silmä nakkas;
– kuis hindätiidmist ja hindästpidämist noorilõ edesi andas.
Avvuhinna alospaprõ ja ülessäädmise vormi löüd Võro Instituudi kodolehe päält. Ettepanõki pallõmi saata Võro Instituuti aadrõssil Tarto 48, 65609 Võro vai e-postiga triin.toom@wi.ee pääle radokuu 25. pääväs (25.02.2025). Avvuhinna saajit kitetäs imäkeelepääväl, 14. urbõkuul (14.03.2025).
Hindätiidmise avvuhinda and Võro Instituut vällä 2012. aastagast.
Avvuhinna omma saanu:
- aastagal: Oravi kuul, Sõmmõrpalo latsiaia keelepesärühm ja Haanimiihi nõvvukoda;
- aastagal: Haani kuul, Põlva latsiaia Mesimumm Meelespea rühm ja Krabi külätiatri;
- aastagal: Mammastõ latsiaia ja kooli keelepesärühm, Mammastõ latsiaia ja kooli kavvanõ võro keele ja kultuuri oppaja Marju Lepasson, Orava kuul ja Võrumaa Spordiliit;
- aastagal: Rõugõ latsiaia keelepesärühmä ja Põlva latsiaia Pihlapuu keelepesärühm; Mõnistõ kuul ja Puiga põhikuul; Mõtsavelle talu ja nallapunt Laheda Muti;
- aastagal: Harglõ latsiaid-põhikuul, Kuldri latsiaid Sipsik, Talina Võro Selts, MTÜ Folgisellide Selts ja Puiga võrokiilse näütemängupäävä kõrraldaja Helve Ruul.
Avvuhinna alospapõr ja esitämise vorm
Jagamine