Võro Instituut tulõtas miilde, et käü võrokiilse romaani kirotamisõ võistlus. Tähtaig om 14. urbõkuu 2025.

Võistlusõlõ saadõtava käsikirä piät olõma:

• vähämbalt katõ kolmandigu ulatusõn võro keelen;
• varramba avaldamalda;
• vähämbält 200 000 tähemärki ilma tühikideldä (romaan) vai vähämbält 100 000 tähemärki ilma tühikideldä (lühkü romaan);
• katõn eksemplarin paprõ pääle vällä trükit niimuudu, et tähemärgi suurus om 12, riavaih 2,0 ja leheküle omma nummõrdadu;
• nimeldä, tuu tähendäs, et tüü man piät olõma märksõna ja sama märksõnaga kinnilidsen kuväärin teedüs autori kotsilõ.

Hääd kirotamist!

Parõmba romaani tege Võro Instituut raamatus. Või tulla ka tõisi avvohindu.

 

Käsikirä pallõmi tuvva kõgõ ildampa 14.03.2025 vai saata postiga sama kuupäävä postitempliga Võro Instituuti (Tarto 48, 65609 Võro). Teedüst saa mano küssü telefoni päält 525 3215 (Kaile Kabun).

 

Jagamine