Täämbä, 29. rehekuu pääväl tetäs Võro Maksimarketin vallalõ võro kiilt opvidõ latsiaialatsi pildinäütüs „Kirriv elo“.

Näütüs om kokko pant latsi värvilidsist pildest ja om tettü piltsõnastu vai pilt-sõna-põhimõttõ perrä – niimuudu jääse latsilõ sõna häste miilde. Näütüse iinmärk om tutvusta kodokandi põlist kiilt läbi latsi silmi, kutsu kõiki üles kasvai mõnõ sõna võro kiilt päävän selges opma ja julgusta täüskasunuid uma kodokandi kultuuri latsilõ edesi andma.

Võro kiilt opatas mitmõn Vana-Võromaa latsiaiarühmän, midä kutsutas keelepesäs. 2024. aastaga saisuga om sääntsit rühmi 14.

Egä aasta märdikuu edimädsel täüspikäl nädälil peedäs võro keele nädälit. Nädälit peetäs, et võro keelele inämb tähelepandmist saia, tuud egän võimalikun olokõrran kõnõlda ja umma uhkust vällä näüdädä.

Näütüse valmissaamisõlõ avidi üten keelepesälatsõ, näide oppaja ja Võro Instituudi rahvas.

Näütüsele saadi pilte Võro latsiaid Päkapikk, Võro latsiaid Sõleke, Võro valla latsiaia Lõunapärli Väimälä maja, Rõugõ latsiaia Rõugõ ja Viitinä maja, Kuldri kooli latsiaid Sipsik, Vilustõ kooli latsiaid ni Põlva Lõunakaarõ latsiaia Mesimummi maja.

Latsi juhendi Helen Saarnits, Ülle Lepind, Maia Päevalill, Maivi Potter, Piia Peedel, Ülle Tillemann, Inge Vene, Ene Oro, Linda Kapp, Maarika Alvela, Lea Hallap ja Inge Torop.

 

Teedüs: Evely Haug, evely.haug@wi.ee

Pildi tsehkend Saara Salf (6) Vilustõ kooli latsiaiast.

Jagamine