Vana-Võromaa käsitüü ja käsitüümeistre omma üts Vana-Võromaa kaubamärk.  Tan kandin om pallo käsitüümeistrit, kiä tegevä umanäoliidsi asju. Vana-Võromaa Käsitüü kaubamärgi ala kokko tulnu käsitüütegejä hoitva avvu seen ja viivä edesi võrokõisi edevanõmbide käsitüüperändüst, a vanno tiidmisi passitadas kokko ka täämbädse pääväga. Ütenkuun tegemisen kasus kõiki vägi: laabsambahe lätt nii kaupu müümine ku välläkitmine, ütstõsõ käest saa mano oppi ja ütenolõkist sünnüse vahtsõ mõttõ. Vana-Võromaa Käsitüüesindüs om  Võro liinan Vabaduse 12/2 (Keskliina kooli hoovimajan).

Jagamine