Võro keele nätäl

Võro keele nädälit peetäs Võro Instituudi iistvõtmisõl alatõn 2005. aastagast egä aasta märdikuu edimädsel täüspikäl nädälil. Keelenädäliga tahetas võrokõisi inämb umma kiilt kõnõlõma härgüta ja võro keelele ka kavvõmbal inämb tähelepandmist saia. Nädäli sisse mahus hulga võrokeelitsit ettevõtmiisi: mälomäng, keeleklubi, muusigaõdak, vahtsidõ raamatidõ kaejadsi, trehvämise tunnõtuisi võrokõisiga jm. Kimmä ütenlüüjä omma Vana-Võromaa latsiaia ja kooli, a ka asotusõ ja ettevõttõ omma oodõdu võrokeelitsit sündmüisi mano luuma ja muidoki võrokõisi lippu vällä pandma.