Masva 25.05.2018 pääle

Eräteedüse tingimüse kõrraldasõ inemiisi eräteedüse tüütlemist ja prännikide pruukmist Võro Instituudi kodolehe wi.ee (edespiten kodoleht) pääl. Eräteedüse tingimüse omma kuunkõlan andmõkaitsõ põhikõrraldusõga (GDPR – General Data Protection Regulation) ja naa kaitsva kliente eräteedüst üten Eesti Vabariigi säädüisi ni Euruupa Liidu õigusaktõga.

Võro Instituudi kodolehe pruukmisõga annat uma nõunolõgi prännikide tarvitamisõs ja olõt nõun tingimuisiga, midä om seletet seon kodolehe eräteedüse tingimüisi jaon.

Mõistõ

Pruukja omma kõik inemise, kiä käüvä kodolehe pääl vai andva Võro Instituudilõ umalt puult teedüst (nt ku liitüse uudiskiräga).

Eräteedüse tüütlemine

Võro Instituut korjas kodolehe kaudu säänest pruukjidõ eräteedüst:

pruukja e-postiaadrõs – ku pruukja liitüs uudiskiräga;
kodolehel käümise statistiga – Google Analyticsiga.

Eräteedüse pruukminõ

Võro Instituut tarvitas eräteedüst:

pruukjilõ teenüse pakmisõs;
pruukjilõ uudissidõ ja teedüse edesiandmisõs;
pruukjidõga läbi käümises;

Võro Instituut pruuk kodolehe kaemisõ statistikat lehe arõndamisõs ja parõmbas müügikõrraldusõs.

Pruukjal om egäl aol õigus keeldä uma eräteedüse tüütlemine, vällä arvat sis, ku tuud om vaia lepingust tulõva nõudõ täütmises, sh teenüse pakmisõs.

Eräteedüse edesiandminõ kolmandilõ kihile

Kolmas kihä om Võro Instituudi kuuntüüpartner, kiä tüütles eräteedüst ja kink toodusõ vai teenüse abiga pakk Võro Instituut pruukjilõ teenüssit.

Võro Instituut pruuk uma egäpäävätüü jaos kolmandit kihhi, kiä pakva uudiskirjo edesiandmisõ ja valitsõmisõ süstiimi.

Võro Instituut and edesi õnnõ säänest eräteedüst, midä om vajja pruukjalõ teenüse pakmisõs.

Eräteedüse hoitminõ ja kimmüs

Võro Instituut hoit eräteedüst niikavva, kooni tuud om tüüs vai säädüse täütmise jaos vaia.

Võro Instituut pruuk kõiki mõistlikkõ võimaluisi töödeldävä eräteedüse kaitsõs.

Manopäsemine eräteedüse muutmisõs ja tüütlemises om õnnõ tuus volitõduil inemiisil ni kõiki pruukjidõ eräteedüssega käüdäs ümbre ku salahadsõ teedüssega.

Pruukja õigusõ

Pruukjal om õigus egäl aol:

küssü manopäsemist umalõ teedüssele;
nõuda eräteedüse parandamist, tävvendämist vai säädüsen ettenättüide tingimüisi perrä ärkistutamist;
nõuda, et eräteedüst veidemb töödeldäsi;
nõuda eräteedüse ülekandmist.

Ummi õiguisi pruukmisõs tulõ pruukjal saata e-posti aadrõsi wi@wi.ee pääle avaldus uma sooviga.

Ku pruukja om Võro Instituudi e-kirätsõõrin, või tä hinnäst kiätsõõri nimekiräst är kistuta ja edespiten kirjo saamisõst är üteldä e-kirä lõpun oläva lingi kaudu.

Prännikide veidemb pruukmisõs saa pruukja tetä tarvilidsõ valigu uma võrgokaeja säädide alt.

Kui pruukja arvas, et timä õiguisi om eräteedüse tüütlemise man rikut, om täl õigus püürdüdä Teedüsekaitsõ Inspektsiooni poolõ.

Prännigu

Võro Instituudi lehe pääl pruugitas prännikit, et leht parõmbahe tüütäsi ja et koŕada pruukmisstatistikat.

Võro Insituudi lehe kaemisõga annat uma nõunolõgi prännikide pruukmisõs nii nigu allpuul seletet.

Prännik om väiku tekstifail, miä võrgukaemisprogramm pand automaatsõhe pruukja massinahe. Prännigu võiva olla mitmõsugutsidõ teenüsepakjidõ, näütüses Google’i vai Facebooki luudu. Prännigufaili olõ-õi puutrilõ ohtligu.

Prännikit om kattõ tüüpi:

Püsüvä prännigu jääse pruukja puutrin olõvahe prännikide faili püsümä. Naid võidas pruuki näütüses pruukja ku sakõstõ lehe pääl käüjä ärtundmisõs ja lehe sisu säädmises pruukja tarviduisi perrä vai statistiliidsi andmidõ korjamisõs.
Seansiprännigu omma aotlidsõ ja kaosõ är, ku pruukja lehe päält är lätt vai uma võrgukaeja kinni pand. Seansiprännikit võidas pruuki näütüses tuujaos, et olõsi võimalik võrgolehe kaudu teenüst, kaupa vms telli.
Prännikit pruugitas teedüse korjamisõs tuu kotsilõ, kuis lehte pruugitas, et taad pruukjilõ mugavambas ja pruukjasõbraligumbas muuta. Lisas avitasõ prännigu koŕada pruukjastatistikat, miä lupa mõõta ja paranda lehe tüütämist ni and alosandmit parõmba müügitüü jaos.

Ku pruukja võrgokaemisprogrammi säädmiisin omma prännigu lubadu, sis loetas, et pruukja om prännikidõga nõun. Sagõhõhe lupasõ võrgokaemisprogrammi vaikimiisi tuud, et massinahe jääse prännigufaili. Pruukja või uman massinan prännikide tarvitamisõ är keeldä vai naa säält är kistuta. Tuujaos tulõ muuta uma võrgokaeja säädmiisi. Mõni leht ei pruugi siski ilma prännikildä kõrraligult tüütä. Oppust võrgokaejast prännikide ärkistutamisõs ja säädmises löüd näütüses tast: Chrome, Internet Explorer.

Pruukmisstatistiga korjamisõs tarvitas Savvusanna leht Google Analytics’i teenüst. Taaga koŕatas andmit alllehti kaemisõ, kaemisao, kaemiisi arvo, pruugituisi massinidõ, sisseminemisviise ja muu statistiga kotsilõ.

Google Analytics või siski koŕada andmit pruukjidõ tegemiisi kotsilõ ka ilma prännigufailõ pruukmalda. Tuujaos, et Google Analytics es saanu andmit pruuki, saa pruukja panda umma massinahe Google Analyticsist loobumise brauserilaiend.

Eräteedüse tingimüisi muutminõ

Võro Instituut jätt hindäle õigusõ muutaq eräteedüse tingimüisi ütepuuldsõlt ja ette teedä andmalda, ku tuud om vaia naidõ säädüisile vastama saamisõs. Eräteedüse tingimüse ommaq uman kõgõ vahtsõmban kujon kõgõ kodolehe päält kätte saia.

Kõiki eräteedüse tingimüisi ja teedüsetüütlüse kotsilõ tekküvide küsümiisi kõrral pallõmi kirota aadrõsi pääle wi@wi.ee.

Jagamine