Vana-Võromaa om inneskine Võro maakund (säksä keeli Kreis Werro), miä tetti 18. aastagasaa lõpuotsan Tarto kreisi lõunõhummugu jaost katsast kihlkunnast – Karula, Hargla, Urvaste, Rõuge, Kanepi, Põlva, Räpina ja Vastseliina. Näide kihlkundõ rahvas oll tõistmuudu keele ja kombidõga ku naabri. Võro kreisi aost alaten saa kõnõlda võrokõisi umaette hindätiidmisest ja võro keelest.

Aoluulidsõ Võromaa piire om alatõn 1920. aastagast mitmit kõrdu küländ pallo muudõt. Täämbä om katsa kihlkunna suurunõ võro keele- ja kultuuriruum är jupendet Võru, Põlva, Valga ja Tartu maakundõ vaihõl. Vanale-Võromaale jääse kas tävveliselt vai jaoldõ prõllatsõ umavalitsusõ: Räpinä, Põlva, Kanepi, Antsla, Rõugõ ja Võro valla, Võro liin, Valga vallast hummugupooline jago, Tartu vallast Piirissaare. Et tetä vaiht prõllatsõ Võru maakonna ja võrokõisi kultuuriruumi vaihõl, om kultuuriruumi jaos võetu pruukmisele tähendüse aoluuline Võromaa ja Vana-Võromaa.

Jagamine