Tüüpakmisõ
Võro Instituut ots umma miiskunda
- PROJEKTIJUHTI
kiä and huugu võro keele ja kultuuri oppusõlõ Vanal Võromaal.
Tüü passis inemisele, kiä
- om korgõmba koolitusõga haridusõ vai keele-kultuuri valdkunnan;
- om olnu ammõtin oppusõtüü pääl ja tennü varrampa kõrraldustüüd, võtnu iist projekte;
- tund prõllast koolielo kõrraldust;
- mõist eesti kiilt, võro kiilt ja mõnt võõrkiilt;
- taht ja mõist tõisiga läbi kävvü ni pelgä-ei kuuntüü-ettevõtmiisi;
- julgus suurõlt mõtõlda ni mõttõ ello viiä;
- tege tüüd hoolõga ni kõrraperi.
Tüü nõud sõiduauto juhtmisõ lupa.
Projektijuhi tüü ülesandist saat pikembält lukõ SIIST.
- KOOLIOPPUSÕ NÕVVOANDJAT
kiä uma väe ni tarkusõga avitas koolioppajil löüdä viise, kuis poimi võro kiilt nii koolitunni ku kooliello.
Tüü passis inemisele, kiä
- om korgõmba koolitusõga haridusõ valdkunnan ja olnu ammõtin oppusõtüü pääl;
- taht jovvuta võro keele ja kultuuri oppamisõ plaanõ koolin ja edendä opikavvu;
- tund prõllast koolielo kõrraldust;
- mõist eesti kiilt, võro kiilt ja mõnt võõrkiilt;
- taht ja mõist tõisiga läbi kävvü ni pelgä-ei kuuntüü-ettevõtmiisi;
- tege tüüd hoolõga ni kõrraperi.
Tüü nõud sõiduauto juhtmisõ lupa.
Mi man saat
- anda väke Vana-Võromaa erierälidse kultuuriperändüse püsümisele;
- tetä ainukõrdset tüüd, miä olõ-õi võimalik kongi muial;
- korjada vahtsit tiidmisi;
- olla osalinõ võrokõisi kogokunna ummamuudu ettevõtmiisin.
Ammõtihe astminõ alatõn 03.08.2026.
Tüü tahtja piäsi hindäst teedä andma ildampa 19.06.2026.
Oodami seos tärminis:
- kirja pantut avaldust;
- ülekaehust seenitsest elokäügist;
- dokustaatõ haridusõ kotsilõ;
- kirja pantut luku, mille tahat seod tüüd tetä ja kuis piässi võrokeeline oppus su arust latsiaidun-koolõn käümä;
- teedüst, mida tahat hindä man kittä.
Koolioppusõ nõvvoandja tüü ülesandist saat pikembält lukõ SIIST.
Dokustaadi tulõ saata e-postiga aadrõssi wi@wi.ee pääle.
Teedüst saa mano küssü direktri Padari Ivari käest, tel 513 1851 vai
tiidüs-arõndusosakunna juhi Eichenbaumi Külli käest, tel 5661 1924.
Jagamine