• et
  • en
  • vo

Aotlinõ kontor

12 March, 2017

Võro Instituudi kontor om põimukuust 2016  kooni mahlakuu keskpaigani 2017  vahtsõn paigan, Liiva 21 (õks Võro liinan). Mi Tarto uulidsa kontorin tetäs remonti. Telefoninumbrõ omma kõik sama, e-posti aadrõssi niisamatõ, a kiä küllä taht tulla, tulku Liiva uulitsahõ.


Kaika suvõülikuul Kornetin

7 March, 2017

11.–13. põimukuul peetäs Lätimaal Kornetin Kaika suvõülikuuli. Suvõülikoolin saa kullõlda loengit ja kaia kultuuriprogrammi. Tutvas saias ka paigaga, tuujaos tetäs sääl huvisõit. Suvõülikuuli peetäs timahava 29. kõrda. Edimäne võrokõisi suvõülikuul oll’ 1989. aastagal Karula kihlkunnan Kaikal. Suvõülikooli teedüsleht  Kava: KAIKA SUVÕÜLIKUUL KORNETIN 11.–13.08.2017 RIIDI, 11. PÕIMUKUU 12.00 Buss Võro kerigu mant 13–14 Kirjapandminõ ja süük […]


Keele herätämise päiv

27 January, 2017

4. radokuu pääväl (04.02.2017) om Vana Võromaa Kultuurikuan (Katariina allee 11, inneskine Võrumaa muuseum) KEELE HERÄTÄMISE PÄIV, kon saa kullõlda kattõ ettekannõt katskiilsüsest ja keelepessit ni kõnõlõmistsõõrin mõttit vaihta. Lektoris omma Soomõ keeletiidläse, veidembüskiili uurja ja veidembüskiili sõbra Annika Pasanen ja Janne Saarikivi. Edesi kae: täpsämb kava. Teedüs: Mariko Faster, mariko.faster@wi.ee, 56213177  


Võro Instituut kuulutas vällä 30. latsi ja nuuri võrokiilside kirätöie võistlusõ

11 November, 2016

MINO VÕROMAA Oodami juttõ, luulõtuisi, nalajuttõ, näütemängõ, katõkõnnit, märgotuisi, laulõ – kõiksugudsõ kirätüü omma oodõdu! Timahava saava latsõ ja noorõ valli viie teema hulgast. A olõs hää, ku kirätüül olõs uma mõtõld päälkiri (tuu tähändäs, et teema ei olõ üteliisi jutu päälkiri). Kimmäle või kirota ka umal süämelähküdsel, vabal teemal. Hinnatas vannusõrühmi perrä (I-III, IV-VI, […]


Kõnõla võro filmikeelen!

18 October, 2016

Võro instituut kuts opilaisi Vanal-Võromaal ja kavvõmbal võro keele nädälil 7.-13. märdikuul klipivõistlusõlõ „Kae sõs!“. Kõik huvilidsõ omma oodõdu tegemä videoklippõ, kon om kuulda võro kiilt, olku tuu sis laul, nallalugu, lühkü katõkõnõ vai midägi muud. Teema või vabalt valli (koolielo, võrokõsõs olõminõ vms), a tuu piässi ka tõisi üten haardma – mõtlõma pandma vai […]


Võro keele nädäli kava 7.–13. märdikuul

18 October, 2016

Meediän: • Võrokeeline järejutt Vikerraadion iispääväst riidini kell 11.30, kõrdus 22.30. Loetas Kama Kaido „Ümbreilma reisikirju“. Tinava sai 15 aastakka tuust aost, ku tsillokõnõ jahtlaiv Lennuk ümbreilmareisi päält kodo tagasi jõudsõ. • Star FMin kõnõldas iispääväst riidini kellä 8.05–8.20 kah tsipa võro keelest. Tuul aol om ka hummogumäng „Ilmvõimalda küsümine“, mink avvuhinnas om hää hulk […]


Õdagumeresoomõ süküskonvõrents om Võrol rehekuu 27.-29. pääväni

8 September, 2016

Õdagumeresoomõ kiili, aoluku ni kultuuri pututõva konvõrentse riä katõkümnes konvõrents om Võro liinan Kandle majan rehekuu 27. –29. pääväni Tulõva konvõrõndsi ettekandin kaias päämädselt õdagumeresoomõ kiili, kultuuri ni ala parlast saisu, a pututõdas ka minevikku. Konvõrõndsi kutsutuis ülesastjis omma soomõ-ugri kiili uurja Riho Grünthal Helsingi ülikoolist, keelepoliitiga uurja Anitta-Viinikka Kallinen Tromsø ülikoolist, liivi keele uurja […]


Kaika suvõülikuul tulõ Tsiistren

7 July, 2016

Võrokõisi 28. Kaika suvõülikuul tulõ timahava Vahtsõliina kihlkunnan Misso vallan Tsiistren 12.–14. põimukuu pääväl. Tsiistret tuntas innekõkkõ Nopri talomeieri, soomõ-ugri filmifestivali, linamuusõumi, tsäimaja ja küläkua perrä. Kae ligembält http://tsiistre.ee/index.php?id=10609


Neläs Uma Pido tulõ 28. mail 2016 Põlvan Indsikurmun

26 May, 2016

Joba kolmõl kõrral olõmi saanu kokko umakeelitsel laulu- ja rahvapidol. Edimäne pido and’ huugu järgmäidsile ja kinnüt’, et uman keelen om hää laulda’. Tõnõ tekk’ kimmämbäs umakeelist ilma ja nõst’ avvu sisse Vana Võromaa kihlkundlikku vaimu. Kolmas pido kõnõl’ pühäst Võhandu jõõst, kuun üteldi pallõmisi mi rahva ja maa iist ja laulti rahvalaulõ. Neläs Uma Pido tulõ 28. mail […]


Vällä kuulutõdi timahavvatsõ Hindätiidmise avvuhinna saaja

15 March, 2016

Võro Instituudi ja Vana-Võromaa maavalitsuisi välläantava Hindätiidmise avvuhinna 2016 laureaadi omma Mamastõ Latsiaia ja Kooli keelepesä, Mamastõ Latsiaia ja Kooli pikäaignõ helksä võro keele ja kultuuri oppaja Marju Lepasson, Orava Kuul ja Võromaa Spordiliit. Vanal-Võromaal kolmandat kõrda välläantava Hindätiidmise avvuhinna saajit kiteti imäkeelepääväl (14.03) Mamastõ Latsiaia ja Kooli saalin. Avvuhinna anniva kätte Põlva maavanõmb Ulla Preeden […]